Gaur patata tortila txapelketa eta Jaula de Cristal taldea

Data: 2014(+00:00)-k2014 abuztuak 20 Egilea: Administratzailea

Gaur Bilbok antolatuta Patata Tortila Txapelketa ederra izango dugu eta gero arratsaldez 20:00etan Jaula de Cristal taldea izango dugu gurekin. Gogoratu bihar 21 21:00etan Aberrigintzan Musika Lehiaketarako bozkak  irekitzen direla!

Hona hemen Aitor Murgoitio gure kritikoaren kritika:

Oso talde gaztea dugu Villarcayotik etorritako Jaula de Cristal. Baterian Jon Mateo, Fernando Villanueva gitarrean eta baxua jotzen eta abesten David mateo osatzen dute punk-rock edo hiri-rock comboa. Esan beharra dago, dagoeneko kontzertu dexente eman dituztela, nahiz eta oso gazteak izan.

Euren hitzetan, Segismundo Toxicomano, Boikot eta Green Day dituzte influentzia orokorrak. Argi dago Californiako punk-rock melodikoa ere sarritan entzun dutela. Hala izanik, melodía, koruak, erritmo azkarrak eta nerabezaroko arazo eta gertakizunak  oinarri dituzten letrak egiten dituzte. Pignoise kutxu bat daukate, baina seguru No Way Out taldearekin alderatzea nahiago izango dutela. Oi!

Kategoriak Ospakizunak, Tiriki Trauki Konpartsa | Utzi iruzkina

Gaur Holly Brandy 20:00etan zuzenean!

Data: 2014(+00:00)-k2014 abuztuak 19 Egilea: Administratzailea

Gaur, 20:00etan gure txosnan Holly Brandy taldeak zuzenean joko du. Anima zaitez gozatzera etortzen!

Aitor Murgoitio gure kritiko apartak, talde honen inguruko bere iritzia kaleratu du:

Bilbotik datorren talde gazte honentzat, Rock n´Rolla da bide bakarra. 80.ko hamarkadaren amaieran eta 90.ean arrakasta izugarria izan zuten talde batzuren influentziak aurkitu ditzakegu euren soinuan: lehen Guns n´Roses taldearen jarrera, Black Stone Cherryren erritmoa edo Buckcherryren melodiarekiko gustua.

Argi dago asteartean Athleticen partidua izanik, ez duela ematen egun aproposa “So Unfair” estrofa garagardo-melodikoa abesteko, edo “Ignite the Flames” azkarrarekin burua astintzeko. Baina aurrez jakinda gure leoiek irabazi egingo dutela, eta Josu Misfits (ahotsa eta gitarra), Jon Clip (gitarra), Iñigo Marot (baxua) eta Andoni Pitt-ek (batería), futbolean bezala, eszenatokian 120% emango dutela… ez dago aitzakiarik.

Kategoriak Ospakizunak, Tiriki Trauki Konpartsa | Utzi iruzkina

Aurtengo leloak pegatinak bilakatuta

Data: 2014(+00:00)-k2014 abuztuak 16 Egilea: Administratzailea

Euskalduna naiz. Zein da zure super-poterea?

I speak Basque. What is your super power?

Kategoriak Ospakizunak, Tiriki Trauki Konpartsa | Utzi iruzkina

Marijaia dator, eta Meraki-ren kontzertua ere bai

Data: 2014(+00:00)-k2014 abuztuak 15 Egilea: Administratzailea

Badator Marijaia! Gaur 19:00etan Arriaga Antzokiko balkoian azalduko zaigu eta estasiak bilbotarrak hartuko gaitu, baina hori amaitu bezain pronto, 20:00etan txosna irekiko dugu eta bertan Meraki musika taldea izango dugu, Aberrigintzan-en bigarren musika lehiaketari hasiera emanez.

Aurten ere Aitor Murgoitio kazetariari esker egunero taldeen aurkezpen/kritikatxo bat argitaratuko dugu. Hona hemen Murgoitioren lehenengoa Meraki taldearen inguruan:

Ze nolako une zoriontsuak agertzen zaizkit buruan Meraki taldearen “Egiak” abestia entzutean. Taldearen bateria eta kantaria den Inharren ahotsean, hasierako Gorka Urbizuren kadentzia eta entonazioa somatzen dut (erreberentzia mesedez).

Hala ere, Meraki talde honek bestelako influentziak ere izan dituela nabaria da. Patxi baxuan eta Javi gitarrean, rock-a, funky-a eta zergatik ez, Euskal Doinu Berria deitu dezakeguna batzen dute: kitarrekin jolastea dakitela erakusten dute, baina baita, abestiaren klimax-a heltzean, gogor astindu dezaketela ere. Euskal X Belaunaldiko ereserkia bilakatu daiteke “Egiak” abestia gertutik jarraitzea komeni da.

Kategoriak Tiriki Trauki Konpartsa | Utzi iruzkina

Lehiaketan parte hartuko duten taldeen bideoak

Data: 2014(+00:00)-k2014 abuztuak 14 Egilea: Administratzailea

Baditugu parte hartuko duten taldeen bideoak. Aurten ere denetarik aurkituko dugu, bakarlariak, heavy-a, punk-a, rock-and-roll-a eta guztientzako musika aproposa. Aurki konkurtsoaren oinarriak ere aurkeztuko ditugu.

Bideoetara eta kontzertuen informazioara jo!

Pasadan urteko sari banaketaren bideoa ere, Telebilbao-n ateratakoa:

Kategoriak Tiriki Trauki Konpartsa | Utzi iruzkina

Aberrigintzan-en II. musika lehiaketaren kartela

Data: 2014(+00:00)-k2014 abuztuak 13 Egilea: Administratzailea

Atzo abisatu bezala, aurten ere Bilbotar eta Euskal Herriko taldeen musika lehiaketa antolatu dugu. Egunero zortzietan hasita kontzertu ederra izango dugu, eta ostiralean pasadan urteko irabazleek jo eta testigua pasatuko diote aurtengo irabazleei sari banaketa jaian.

Momentuz oinarriak ez ditugu argitaratu, baita saria zein izango den baina aurki informazio guzti hori izango duzue.

Aberrigintzan 2014 Musika Txapelketa

Clcik egin kartela handitzeko

Kategoriak Tiriki Trauki Konpartsa | Utzi iruzkina

Txosnaren salneurriak eta eskaintza

Data: 2014(+00:00)-k2014 abuztuak 13 Egilea: Administratzailea

Dagoen egoera ekonomikoa egonda aurtengo prezioak pasadan urtekoaren antzekoak dira, bai aldatu duguna da kartela eta grafismoa. Espero dugu zuen gustokoa izatea.

Eskaintza eta Salneurriak 2014

Click egin haundiagotzeko

Jarraitu irakurtzen →

Kategoriak Tiriki Trauki Konpartsa | Utzi iruzkina

Aste nagusia dator, eta programa ederrarekin gatoz!

Data: 2014(+00:00)-k2014 abuztuak 12 Egilea: Administratzailea

Egun batzuk besterik ez dira falta 2014. urteko Aste Nagusia izateko eta beti bezala Berastegi kalean egongo gara non programa ederra antolatu dugu guztiontzat.

Giro ederra izango dugu egun osoan, bazkari herrikoi ederrekin, eta bigarren urtez Aberrigintzan musika Txapelketarekin talde berri desberdinekin, Bilbo eta Euskal Herriko talde gazteei aukerak ematen.

Kategoriak Tiriki Trauki Konpartsa | Utzi iruzkina

Flickr-a eguneratua, Aste Nagusi 2013ko argazkiak gehituta

Data: 2013(+00:00)-k2013 abuztuak 29 Egilea: Administratzailea

Gure taldekide Ikerrek argazki batzuk sartu ditu gure Flickr-an. Hona hemen:

 

Aberrigintzan Argazkiak

Kategoriak Ospakizunak, Tiriki Trauki Konpartsa | Utzi iruzkina

Agur Esperantzako frontoiari :-(

Data: 2013(+00:00)-k2013 abuztuak 29 Egilea: Administratzailea

Kaixo lagunok, pasadan astean Esperantza frontoiaren azkeneko partiduak jokatu ziren. Dakizuenez Metro linea berria dela eta frontoi kuttun hau bere ateak itxi egingo dituela. Hori dela eta Aberrigintzan elkarteko zortzi kide bertara urreratu ziren merezi zuen agurra ematera, hona hemen grabatutako irudiak, mila esker Estitxu!!! 30 “Gustoko dut” lortu ezkero bigarren zatia txertatuko genuke … zuek erabaki !!!

Kategoriak Aberrigintzan | Utzi iruzkina