Archive for abuztua 17th, 2013

Aitor Murgoitioren iritzia: Aberrigintzan Musika Txapelketa 2013n 5 parte-hartzaileetariko kritika

Zinez eskertzen diogu Aitor Murgoitio kazetariari bere ekarpenak eta bere iritziak Aberrigintzan Musika Txapelketa lehenengo edizioaren inguruan. Izan ere, Murgoitio, Egunkariaren kolaboratzaile ohia izateaz aparte, musika-zale amorratua da.

Gaur, Murgoitio berak 7 parte-hartzaileetik 5en inguruko kritika bat utzi digu. Aurki, falta diren beste biena ekarriko digu gure kolaboratzaileak. Eskerrik asko Aberrigintzan eta Tiriki-Trauki konpartsa osatzen dugun guztion partetik.

AZKEN AUKERA

Gasteiztik etorritako taldeak euren maketa erakusteko irrikitan agertuko dira Aberrigintzaren eszenatokian. Doinu gazteak, euskal rock alternatibo berriaren eraginpean. Itxura ona du taldeak, kitarra dinamikoak, beharrezkoa den puntu gogor batekin, eta melodiarekiko gustua. Haseretako Kauta taldearen diskak entzun dituztela argi dago. Adibide bikaina Youtuben aurkitu daitekeen “Carpe Diem” abestia; Euskadi Gazteak, 40Principales lehengusuaren papera utziko balu, orduoro jarriko lukeen single bat. Ezagutu beharreko taldea dudarik gabe.

 

ABESTIA. http://youtu.be/KSEXixDVGG8

FACEBOOK: https://www.facebook.com/azken.aukera

 

 

OSSYRIS
Heavy metalak bere lekua izango du Aberrigintzaren eszenatokian Ossyris taldearen eskutik. Barakaldoko taldea 2006an sortu zen izkutatu nahi ez dituzten influentzienpean: Saratoga, Warcry, Avalanch eta antzekoak ordu askotan izan dituzte taldekideek auren aurikularretan. Estiloaren gida-lerro guztiak jarraitzen dituzte, dunbal-bikoitza, landutako kitarrak eta beharrezkoak direnean, garagardoa eskuaz altzatzeko aukera ematen duten koroak. Nabaria da taldeak esperientzia duela, bestela entzun “En el silencio de la oscuridad”. Klasikoa bihurtu daiteke.

ABESTIA: http://youtu.be/Dpk5zN2xOPs(“En el silencio de la oscuridad”)

FACEBOOK: https://www.facebook.com/ossyris.bilbao

 

 

KINVARA

Bost lagun dira KINVARA taldearen kideak. Argi dago musika grinaz bizi dutela, euren hitzetan influentzia desberdinak dituen taldehonek. Punk-rock klasikoa jotzen dutela esan daiteke lehenbiziko akordeak entzuta. Baina laster konturatuko gara Kinvarak alde anitzeko crossoverra jotzen duela. Euren abestirik ezagunena, “Mandamangantes”, adibide bikaina da; momentuz Jousilouli taldeak jabetu dituela eman dezake. Erritmo aldaketak, kexuz beteriko letrak eta Diegoren ahots indartsuak (Komaren abeslea, distantziak distanzia, datorkit burura) Aberrigintzaren eszenatokia sutan utzi dezakete.

 

ABESTIA: http://youtu.be/JyhY7YFLEmg

FACEBOOK: https://www.facebook.com/kinvara.hardrock

 

INNER TURBULENCE

Bilboko Inner Turbulence taldeak heavy metal progresiboarenaren bertuteak jasotzen dituela argi izango dute Aberrigintzaren eszenatokira gerturatzen direnek. Sendotasuna, abiadura, zehaztasuna bezalako hitzak etorriko zaizkizue burura entzuterakoan. Euren jatorri progresiboa alde batera utzi gabe, ematen du pixkanaka letrak eta koruak garrantzia handiago hartzen ari direla euren kantuetan. Hala ere, ezin dezakezue alde batera utzi “Yesterday´s gone” tema instrumentala,lurretik airerako misila; zehaztasuna, indarra eta abiadura. Inner Turbulence.

 

ABESTIA: http://www.youtube.com/watch?v=Fd3ZhKE1qF4&feature=player_embedded

FACEBOOK: https://www.facebook.com/innermetal

DHENEVOLA

Dhenevola 2012an sortutako taldea da; ez dute oraindik diskarik, baina euren influentziak nabariak dira Youtuben entzun daitekeen “Volveré”kantuan: melodiaz beteriko kantak, riff gogorrak eta hard rock putzu bat. Interesgarria izango da taldearen debuta ikustea, euren lehen kontzertuan.Sentimenduz beteriko taldea dugu Dhenevola; euren aurrerapenean nabari daitezkeen alde positiboak mantentzen badituzte (kantatzeko melodia onak, kitarra leunak sarreretan eta gogorrak momentu gorenetan…), bide luzea izan dezakeen taldea dugu Dhenevola.

 

ABESTIA: http://youtu.be/ZwaErfEC2Zc

FACEBOOK: https://www.facebook.com/Dhenevola.Metal

 

Kontzertuen egutegia eta taldeen informazio gehiago (bakoitzaren izenean klik eginez).

Aitor Murgotio

Kazetaria

 

Add comment abuztua 17th, 2013


Calendar

2013(e)ko abuztua
I A A A A O I
« Abe   Abu »
 123
45678910
11121314151617
18192021222324
25262728293031

Posts by Month

Posts by Category