Archive for abuztua, 2013

Flickr-a eguneratua, Aste Nagusi 2013ko argazkiak gehituta

Gure taldekide Ikerrek argazki batzuk sartu ditu gure Flickr-an. Hona hemen:

 

Aberrigintzan Argazkiak

Add comment abuztua 29th, 2013

Agur Esperantzako frontoiari :-(

Kaixo lagunok, pasadan astean Esperantza frontoiaren azkeneko partiduak jokatu ziren. Dakizuenez Metro linea berria dela eta frontoi kuttun hau bere ateak itxi egingo dituela. Hori dela eta Aberrigintzan elkarteko zortzi kide bertara urreratu ziren merezi zuen agurra ematera, hona hemen grabatutako irudiak, mila esker Estitxu!!! 30 “Gustoko dut” lortu ezkero bigarren zatia txertatuko genuke … zuek erabaki !!!

Add comment abuztua 29th, 2013

Aberrigintzan Musika Txapelketa 2013aren bideoa

Aste Nagusia 2013a amaitu da, eta horrekin gure musika txapelketa, non 7 talde gazte bezain onak izan ditugun. TeleBilbaoko Joseba Solozabalek saria eman zuen, eta hona hemen bideoa, Inner Turbulence-ko lagunei esker, beraiek igota.

Eskerrik asko parte hartzaile guztiei, jarraitzaileei etabar… Musu haundi eta besarkada guztientzat.

Add comment abuztua 29th, 2013

Kinvara Aberrigintzan Musika Txapelketa 2013an

Hona hemen Kinvararen saioa Bilboko Aberrigintzan 2013 musika txapelketan.

Add comment abuztua 29th, 2013

Marijaiaren abestia heavy

Momentu berezia bezain arraroa suertatu zitzaigun, baina Aberrigintzan 2013 musika txapelketan, azkenean irabazleak suertatu zirenak Badator marijaiaren abesti jada klasikoaren bertsio heavy-a egin zuten.

Hona hemen:

Gozatu!

Add comment abuztua 29th, 2013

TirikiTrauki Paella txapelketa 2013

Argazki batzuk jasotzen gabiltza, hona hemen paellarenak.

 

Paella 2013 Tiriki Trauki

Paella 2013 Tiriki Trauki

Eskerrik asko Elisari argazkiagaitik.

Add comment abuztua 29th, 2013

Olagarroak itxasora!

Gu ere Bilboko Aste Nagusian ere Olagarruen aurkako kanpaina egin genuen. Kanpaina itzela egin dute lekittarrek!!! Jaietan ere errespetuz bizi !!!
Olagarroak itxasora

Olagarroak itxasora

Lekeitioko Udalak, emakumeenganako sexu eraso edo tratu txarrak gizartean erroturik dauden egiturazko arazoak diren heinean, horri aurre egitea guztion erantzukizuna dela deritzo. Hori horrela, erakunde publikoek dagokien eskumenekin esku hartzeko betebeharra dute.


Jarrera matxistak sustraituta daude gure egunerokotasunean, eta jai giroan hauek askotan azaleratzen dira. Hori dela eta, aurreko urtean bezala, Lekeitioko Udaleko Emakumea eta Berdintasuna Batzordea eraso sexisten aurkako sentsibilizazio kanpaina antolatzen ari da herriko jaietan martxan jartzeko.

Kanpaina honen helburua, jaietan parte hartzen duten pertsona guztiak gai honen inguruan sentsibilizatzea da, emakumeenganako indarkeria ez baita norberaren edo etxeko arazo bat, guztion erantzukizuna da emakumeon askatasuna eta duintasuna urratzen duten egoera hauek salatzea edo eman daitezkeen egoerak ekiditea.

“Olagarruak itsasora” lemapean ondorengo mezuak zabalduko dira herritik zehar: “Akosatia ezta ligatia”, “Heteronorma apurtu” , “Gozatu norabide guztietan”, “Ez, ez da”, “Nahi dodanaz, nahi dogunian”, “Popia ikutzia ezta ligatia”, “Olagarruak itsasora” besteak beste.

Udalak lema hauekin kartelak egin ditu eta taberna eta txozna guztietan banatuko ditu. Horrez gain, programan ere honen inguruko adierazpen bat idatziko da herritar guztiei jarrera sexisten kontrako jarrera aktiboa eskatuz eta taberna zein txoznetan eraso bat gertatuz gero jarraitu beharreko protokoloaren berri emango duen esku-orria banatuko da. Gaia ikustarazteko udalak “txapa” batzuk ere oparituko ditu programarekin “Olagarruak itsasora” lemapean.

Beste aldetik, aurten Lekeitioko udalak Potxuak Martxan emakume taldearen iniziatibaz farmazia eta botikinetan hurrengo eguneko pilularen erabileraren inguruko inkesta egin du. Inkesta horretatik jasotako datuen arabera ohartarazi nahi dugu, nahi gabeko haurdunaldiez gain, ezin ditugula ahaztu transmisio sexualeko gaixotasunak. Horietaz babesteko kondoiaren erabilera sustatu nahi da.

Add comment abuztua 29th, 2013

Ostirala 23, Marmitako + Aberrigintzan Musika Txapelketen sariak

Gaur Bermeoko gure kideen eskutik Marmitako izango dugu, eta arratsaldez 19:30 Joseba Solozabal Telebilbaoko aurkezle famatuak eta pregoilari ohiak Aberrigintzan Musika Txapelketaren saria emango du.

Zorte on guztioi eta eskerrik asko gure ekimenetan parte hartu duzuen guztioio!

Add comment abuztua 23rd, 2013

Osteguna 22, Paella txapelketa Getxokoak antolatuta

Amaituta kontzertuak, gaur, Aberrigintzan-en kontzertu eta musika txapelketarako bozka eman dezakezu azken egunaz. Gogoratu hemen egin behar duzula.

Bestalde gaur Paella izango dugu Getxoko gure kideak antolatuta, animatu zaitez!

Add comment abuztua 22nd, 2013

Asteazkena 21: Musika Txapelketan Dhenevola-ren kontzertua eta irratian gaur

Gaur Dhenevola taldea izango dugu entzungai Aberrigintzan-eko Musika Txapelketan. Arratsaldeko 19:00etan izango da, baina lehenago piztu zure irratia, 17:30tan ta jarri Onda Vasca, izan ere elkartekoa den gure lagun Ander Bilbaok hizpide izango ditu sare sozialak eta aste nagusia.

Gogoratu bozkatzen, eta animatu beren partaidetzak twitteatzen eta lagunei animatu etortzen. Talde gazteek gure bultzada merezi dute! Berastegi kaleko kontzertuen egutegi osoa, eta gogoratu bozkatzen!

Txapelketaren irabazkeak saria Joseba Solozabal, Telebilbaoko aurkezlearen eskutik jasoko du, zein eta sari potoloabideoklip bat grabatzea.

Add comment abuztua 21st, 2013

Previous Posts


Calendar

2013(e)ko abuztua
I A A A A O I
« Abe   Abu »
 123
45678910
11121314151617
18192021222324
25262728293031

Posts by Month

Posts by Category