Basauriko Aberrigintzan-ek antolatuta, datorren larunbatean, ekainaren 6an arratsaldeko seietan Zehatza Tabernan ipuin kontalari bat izango dugu.
Ipuin Kontalaria Basaurin
Dohako ekimena izango da, eta euskaraz. Animatu zaitezte, umeentzako euskararekin harremanean jarraitzeko bide ederra da, baina baita ere gurasoek ere beren umeekin gure hizkuntzan ekimen bat partekatu dezaten aukera aparta.
Gehitu iruzkina ekaina 4th, 2015
Aurten, 2014eko txapelketa Bonzo taldekoek irabazi zuten. Hona hemen kalitate haundian Meritxell Elgezabal argazkilariak ateratako argazki bikainak. Mila esker argazkiengaitik!
Bonzoko partaideak sariaren bonoa erakusten
Gehitu iruzkina abuztua 25th, 2014
Atzo epaileek beren epaia eman zuten eta emaitza honako hau izan zen, nahiz eta aurten maila itzela izan den eta zaila izan den esatea nor den irabazlea, Bonzo garaitu da.
Horrela Aberrigintzan kultur taldeari esker hasiko dira bideoklip profesional bat grabatzen.
Mila esker parte hartu duzuen guztioi, bihotzez!
Gehitu iruzkina abuztua 24th, 2014
Itxaroten genbiltzan eguna. Gaur Bermioko marmitie ederra izango dugu, Bermioko lagunek antolatuta eta gero nola ba ez Telebilbao dator txosnara, Joseba Solozabal eta pasadan urteko irabazleen eskutik aurtengo irabazleek saria jaso dezaten, bideo-maketa bat grabatzea hain zuzen!
Gehitu iruzkina abuztua 23rd, 2014
Oso aurreratua dago dagoeneko Aste Nagusia eta gaur Balmasedako lagunek antolatuta Putxerak izango ditugu eta arratsaldez 20:00etan Inner Turbulence, pasadan urteko irabazlea izango dugu, beste abestien artean Marijaiaren bertsio ederra abestuko dute. Jo Inner Turbulence-ren webgunera.
Aitor Murgoitio gure kazetariaren iritzia:
Bilboko Inner Turbulence taldeak heavy metal progresiboarenaren bertuteak jasotzen dituela argi izango dute Aberrigintzaren eszenatokira gerturatzen direnek. Sendotasuna, abiadura, zehaztasuna bezalako hitzak etorriko zaizkizue burura entzuterakoan. Euren jatorri progresiboa alde batera utzi gabe, ematen du pixkanaka letrak eta koruak garrantzia handiago hartzen ari direla euren kantuetan.
Hala ere, ezin dezakezue alde batera utzi “Yesterday´s gone” tema instrumentala,lurretik airerako misila; zehaztasuna, indarra eta abiadura. Inner Turbulence. Esan beharrik ez dago pasadan urteko lehiaketaren irabazleak direla.
Gogoratu bestalde bihar arte bozkatu daitekela:
Gehitu iruzkina abuztua 22nd, 2014
Iritsi da lagunok! Orain hasita, osteguna 21 gaueko 21:00etatik larunbaterarte 20:00etararte bozkatu dezakezue Aberrigintzan Kultur Taldea-ren Facebook-an laguna egiten bazara.
Horretarako behin Facebook-en gure jarraitzailea zarenean egin klik musika lehiaketaren kartelaren irudian eta bozkatzera eramango zaitu. Pertsona batek larunbaterarte bozka bakarra eman dezake.
Irabazteko %50-a interneteko bozka izango da eta beste %50-a epaileena izango da.
Aberrigintzan-ek interneteko bozketetan iruzurra egon dela pentsatzen badu, libre sentitzen da, bozkaketa honi kasurik ez egiteko eta epaileek soilik erabaki dezaten uzten.
Gehitu iruzkina abuztua 21st, 2014
Uribe Butroiko lagunek antolatuta, gaur Sukalki eder bat izango dugu bazkaltzeko eta gero 20:00etan Baketazo taldeak joko du Aberrigintzan Musika Lehiaketaren barnean.
Gogoratu gaur 21:00etan bozkak irekitzen direla ere!
Aitor Murgoitio gure kritikoak Baketazo taldearen inguruko kritika bidali digu:
Leioatik datorren taldea dugu hau. 2010 urtean sortua, egun Natxo, Diego eta Ager dira taldearen partaideak. Umore ona, martxa eta punk-rock-a dira Baketazoren arauak. “Habemus Papam”, “A tu rollo” eta Aste Nagusian entzun beharreko “Bilbo” abestiak, une entretenigarriak pasaraziko dizkigute.
Euren abestiek Punk-Rock eta Ska kutxua izanik, eta letra errebindikitzaileak erakusten dituztenez, seguru Baketazo taldea pozik itzuliko litzatekela 80 hamarkadako “Rock Radikal Vasco” delakoaren eszenara. Guztiz gomendagarriak 80 hamarkadara itzuli nahi dutenentzat, inoiz katxia eskuan “tiene Bilbao un gran tesoro” abestu dutenentzat eta musikazaleentzat orokorrean.
Gehitu iruzkina abuztua 21st, 2014
Hala dio Aitor Murgoitio gure kazetariak, Xabier Grey, gure musika lehiaketaren hazkuntzaren adibide bikaina dela. 20:00etan Xabier Grey entzuteko pila jende ere izan genuen.
Murgoitioren aurkezpentxoa:
Xabier Grey-ren ekitaldia. Aberrigintzaren Musika Txapelketaren hazkuntzaren adibide bikaina da. Ortuellan jaiotako musikagileak, gune akustikoan du bere indar nagusia. Abesti intimoak, sinpleak baina zuzenak aurkezten ditu.
Egia esan, Xabier Grey-l ez du askorik behar publikoaren arreta erakartzeko. Pop, Folk eta Countrya gustoko dituela nabaria da kitarren doinuetan, eta ahots garbi eta melodiak ederki batzen ditu. Guzti hau, Soul pizkatxo batekin apainduta. Garagardo markek udarako egiten dituzten iragarki musikalak, gabonetan egitekotan, Xabier Grey-ren “Nightmare” abestia orduoro entzungo genuke. Zihur.
Greyren Webgunera joan
Gehitu iruzkina abuztua 20th, 2014
Gaur Bilbok antolatuta Patata Tortila Txapelketa ederra izango dugu eta gero arratsaldez 20:00etan Jaula de Cristal taldea izango dugu gurekin. Gogoratu bihar 21 21:00etan Aberrigintzan Musika Lehiaketarako bozkak irekitzen direla!
Hona hemen Aitor Murgoitio gure kritikoaren kritika:
Oso talde gaztea dugu Villarcayotik etorritako Jaula de Cristal. Baterian Jon Mateo, Fernando Villanueva gitarrean eta baxua jotzen eta abesten David mateo osatzen dute punk-rock edo hiri-rock comboa. Esan beharra dago, dagoeneko kontzertu dexente eman dituztela, nahiz eta oso gazteak izan.
Euren hitzetan, Segismundo Toxicomano, Boikot eta Green Day dituzte influentzia orokorrak. Argi dago Californiako punk-rock melodikoa ere sarritan entzun dutela. Hala izanik, melodía, koruak, erritmo azkarrak eta nerabezaroko arazo eta gertakizunak oinarri dituzten letrak egiten dituzte. Pignoise kutxu bat daukate, baina seguru No Way Out taldearekin alderatzea nahiago izango dutela. Oi!
Gehitu iruzkina abuztua 20th, 2014
Gaur, 20:00etan gure txosnan Holly Brandy taldeak zuzenean joko du. Anima zaitez gozatzera etortzen!
Aitor Murgoitio gure kritiko apartak, talde honen inguruko bere iritzia kaleratu du:
Bilbotik datorren talde gazte honentzat, Rock n´Rolla da bide bakarra. 80.ko hamarkadaren amaieran eta 90.ean arrakasta izugarria izan zuten talde batzuren influentziak aurkitu ditzakegu euren soinuan: lehen Guns n´Roses taldearen jarrera, Black Stone Cherryren erritmoa edo Buckcherryren melodiarekiko gustua.
Argi dago asteartean Athleticen partidua izanik, ez duela ematen egun aproposa “So Unfair” estrofa garagardo-melodikoa abesteko, edo “Ignite the Flames” azkarrarekin burua astintzeko. Baina aurrez jakinda gure leoiek irabazi egingo dutela, eta Josu Misfits (ahotsa eta gitarra), Jon Clip (gitarra), Iñigo Marot (baxua) eta Andoni Pitt-ek (batería), futbolean bezala, eszenatokian 120% emango dutela… ez dago aitzakiarik.
Gehitu iruzkina abuztua 19th, 2014
Bozkatu!
